- 37 -

1339. April 8.

In nomine domini amen. Noverint universi presentem literam inspecturi, quod ego Gerlacus plebanus ecclesie sancti Nicolai prope Ratibor iudex delegatus a venerabili in Christo patre domino Nankero episcopo Wratislaviensi in causa, que vertitur inter religiosum virurn D. Nicolaum abbatem de Ruda et inter Martinum scultetum de Dobroslawitz pro decima cuiusdam superfluitantis (sic) agrorum, quam idem Martinus ibidem tenuit preter agros scultetie, Auditis iuribus utriusque partis habito consilio peritorum, adiudico decimam predictam ipsi domino abbati et suo monasterio perpetuo habituram. In cuius rei evidentiam presentem literam super eo conscripsi mei sigilli et honorabilis viri domini Heynrici plebani Ratiboriensis munimine roboratam. Lata est hec sententia feria quinta post octavas pasche anno domini 1339 presentibus discretis viris dominis Heynrico plebano Ratiboriensi. Laurentio plebano de Turcow. Heynrico predicatore de Glogovia. Nicolao de Czülcz et aliis fide dignis.

Mitgetheilt von Herrn Dr. Potthast aus dem Diplomatar des Abts Andreas Emanuel vom J. 1653.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.